Michael Adebolajo zaburu onu ya n’ulo ikpe na Kenya n’afo 2010

Anyị nwetere ozi na Michael Adebolajo, otu n’ime mmadụ abụọ ahụ gburu onye soja mba Britain na Woolwich, zaburu ọnụ ya n’ụlọ ikpe na Kenya n’afọ 2010.

A na-ekwu na e jidere ya oge ọ na-achọ ụzọ ọ ga-esi aga mba Somali maka isonyere ndị agha isi ekwe ọnwụ al-Shabab nke mba Somali. A gbaara ya ụgbọ nwa mkpị na Kenya, ka e kpechara ya ikpe.

N’izu ụka gara aga, Michael na onye ogbo ya buru agha iyi egwu na Woolwich. Ha jiri ụgbọala kụtuo otu onye soja mba Britain na-agara onwe ya. Kama ha ga-enyere onye amị ahụ na-anwụ anwụ aka, Michael na onye ogbo ya mịpụtara mma were gbukasịa nwoke onye soja ahụ. Ọ nwụrụ ebe ahụ n’ike, n’etiti okporo ụzọ.

Ndị uwe ojii rutere ebe ahụ ka o mechara ihe dịka nkeji 20. Ha gbara Michael na di nna ya egbe, tupu e jido ha.

Taa bụ ụka, ndị nwe onye soja ahụ gbakọtara ebe ihe a mere maka ịkwanyere ya ugwu ịkpazụ.