Ihe ngosi ejije Naijiria, Nollywood, a kpọrọ Lemonade, bụ nke ihe niile zugoro oke maka igosi ya n'ụbọchị iri na otu nke ọnwa Dicemba n'ụlọ oriri Transcorp Hilton dị na Abuja. Ejije ahụ nke ndị ma nke ekwe na-akụ n'ejije na ndị ọzọ amara aha so n'ime ya dịka Sinatọ Dino Melaye, Kunleb Remi, Ayoola Ayobami, Linda Osifo, Mofe Duncan, Real Warri Pikin, Chioma Idigo na Sean King, tinyere ndị ọzọ.

Igbo sị na nwaanyị maara ihe na-ebido n'afọ ime wee tụtụkọba ihe nwa, maka nchebiri ụbọchị ọmụmụ ya. N'ịgbaso nke a, aka na-achị steeti Anambra, bụ Gọvanọ Willie Obianọ eguzobela otu pụrụ iche ga-ahụ bànyere atụmatụ ọrụ mmepe steeti ahụ maka ahọ iri ise na-abịa abịa, bụ ahọ 2070, bụ nke a kpọrọ "Anambra Vision 2070 Development Plan Committee."

Onyeeze Ọdịnala, Ooni nke Ife, Oba Adeyeye Ogunwusi, etoola ịgba mbọ ndị Igbo n'ebe udo Naijiria dị. Dịka ọ kọwara Igbo dịka nnukwu mba, Ooni kpọkuru udo n'etiti ụmụ Naijiria agbanyeghị agbụrụ ma ọ bụ ekpemekpe. O kwuru na obodo dị na otu ga-enwe udo na ọganihu.

Ogun Steeti emeriela na asọmpi sayensị nke ụlọọrụ mmanụ ụgbọala, NNPC, chịkọbara nke afọ 2019 maka ụlọ akwụkwọ sekọndịrị n'ala anyị niile. Steeti gbara ndị nke mbụ n'agba nke ikpeazụ na asọmpi ahụ were ọnọdụ ụbọchị Tọzdee n'isi ụlọọrụ NNPC dị na Abuja.

Nzukọ Mba Afrịka adụọla Naijiria na mba ndị ọzọ ọdụ ka ha chekwaa ókèala ha karịsịa n'ebe o metụtara ọnọdụ nchekwa na aghụghọ dịka ụzọ kacha mma iji were dozie ezi ọnọdụ nchekwa n'okèala.

Mmadụ anọ n'ime otu egwu bọọlụ Ugo Naijiria bụ Odion Ighalo, Alex Iwobi, Wilfred Ndidi na Francis Uzoho abụrụla ndị aha ha pụtara na ndị enwere ike ịhọpụta dịka ọkachi agba nke otu egwu bọọlụ Afrịka nke afọ 2019. Nkea sitere n'aka otu egwuregwu bọọlụ Afrịka dị n'aka, akpọrọ CAF n'aha mkpirisi.

Dịka akwa na-ada elu na ala n'ahịa ihe karịrị otu ọnwa gara dịka ọkụ gbariri ma gbuo ọtụtụ mmadụ oge otu ụgbọala bu mmanụ ụgbọala dara ma nwuru ọkụ n'ahịa Ochanja, akụkọ ahụ agbanwela ugbua ọ bụla dịka gọọmenti Anambra Steeti na ọtụtụ otu ndị ọzọ na ndị mmadụ gbatara ọsọ enyemaka iji were hụ na obi agbawaghị ndị ọkụ ahụ metụtara.

More Articles ...