O kwòrò ekwò ma hịọ ahịọ n'ụlọụka 'Chapel of Redemption' nke mahadum Nnamdị Azikiwe dị n'Awka bụ isi obodo steeti Anambra, dịka ụka Angịlịkan na Dayọsiisi Awka kàrà ụkà idogharị ụmụnwaanyị dayọsiisi ahụ nsọ na ichenwò ha n'ihu Chineke ọzọ, nakwa ịtụ mmamma.

Aka na-achị steeti Anambra, bụ Gọvanọ Willie Obianọ ekwunwòóla ezi njikere ya ịkwàdò na ịkwàlìtekwù ọtụtụ ndị ntorobịa na ụmụnwaanyị steeti ahụ, site n'ime ka ha sòro n'ihe a na-eme n'ime ahọ abụọ fọdụụrụ ọchịchị ya na steeti ahụ.

Aka na-achị steeti Anambra, bụ Gọvanọ Willie Obianọ nọrọ ụnyaahụ wee gbapee ụlọ ikpe mkpegharị ọhụụ n'Awka bụ isi obodo steeti ahụ, bụkwazị ụlọ ikpe mkpegharị mbụ a na-eguzobe na steeti ahụ.

A kpọkuola ndị Igbo ka ha na-echekwaba ma na-akwàlite asụsụ na omenala ha, ka o wee ghara ịnwụ maọbụ fùó dịka ndị òtù mba ụwa bụ 'United Nations Educational, Scientific and Cultural Organization (UNESCO)' bùrù n'amụma n'ahọ 2012.

Ọ kpọtụrụ akpọtụ ma zụọ azụọ nso nso a n'Ukpo dị n'okpuru ọchịchị ime obodo Dunukọfịa nke steeti Anambra, dịka ajọ ọkụ ọgbụgba dabìdòrò ma gbarikọọ ebe a na-azụ anụ ụlọ, bụ 'Sunday Ezeaku Modern Integrated Agricultural Farm' dị na Ndiagụ-Isiekwulu.

Ọnụ ọchị wàrànnọọ ndị ahụ nsogbu iju mmiri metụtàrà na steeti Anambra n'ahọ 2019, dịkà ndị ụlọ ọrụ na-ahụ maka ọnọdụ gbanụgbanụ n'ala Nigeria, bụ ụlọ 'National Emergency Management Agency' (NEMA), ngalabà ya nke mpaghara ndịda-ọwụwa anyanwụ gbàpèrè atụmatụ ikesàrà ha ihe oriri na ihe dị iche iche e ji akwàlite ọnọdụ obibi ndụ.

More Articles ...