Ihu ọchị wàra ndị obodo dị iche iche dị n'okpuru ọchịchị Ayamelụm na steeti Anambra, dịka ọkaokwu ụlọ omebe iwu steeti ahụ, ma bụrụkwa onye na-anọchite anya ha n'ụlọ omebe iwu ahụ, bụ Maazị Uchenna Okafor kesààrà ha akpa osikapa, iji mee ka ha nọrọ mma ma na-ekwekwa oyooyoo n'oge a anọ n'ime ya.

Igbo sị na nkwụcha abụghị ụjọ, ma sịkwa na ọ na-aka mma ibido n'oge gbaba ọsọ mmiri tupuu ozuzo ya. N'ịgbaso nke a, gọọmenti steeti, nke Gọvanọ Willie Obianọ nọ n'isi ya, nọrọ na nso nso wee nye ntụziaka pụrụ iche ụmụafọ steeti ahụ ga-agbaso, iji gbanahị ma gbochie mgbasawanye nke ọrịa nje 'Corona Virus' a maara dịka ọrịa 'Covid-19', ma gùzobekwa òtù ọrụ pụrụ iche maka ibu agha megide ya bụ ajọ ọrịa na-efe èfè.

Anyammiri na mkpu akwa wàrà n'Ọnịtsha na nso nso a, dịka otu ụlọ dàrà wee tipịa isi otu nwatakịrị na mpaghara 47 Modebe Street. Dịka akụkọ siri kọọ, ọ bụ mpaghara ebe a wụrụ awụ n'ụlọ ahụ bụ ihe dara, wee tipịa nwata ahụ isi.

Ndị uwe ojii steeti Anambra ejidela ụmụokorobịa ise ọrụ ha bụ ịma aka àkpà na igwù ndị mmadụ ojoro n'Awka. Nke a bụ nke e mere ka ụwa mara site n'ọnụ onye na-ahụ maka mmekọrịta ọhaneze na ndị uwe ojii na steeti ahụ, bụ Maazị Harụna Mọhammed, site n'ozi ọ kụpụrụ bànyere nke ahụ nso nso a.

More Articles ...